（一直都好想講嘅topic，琴晚終於寫好。發現自己facebook好多人都唔再喺上，特此喺度post埋）
喺攝影云云咁多category入面，我諗我最鐘意影嘅係影結婚嗰日嘅相－因為通常情況下，啲人都幾開心，就算叫佢地一齊影相，擺下pose都係ok－你唔洗左氹右氹，啲人都好好心情－
但可能真係識我嘅人亦都會知道，其實每次講結婚呢個topic，我都係會話「你諗清楚未」，我真係唔想咒任何人嘅關係，其實我只係想make sure 你清楚自己sign up for 乜野－尤其係異地婚姻。咁當然你會話，「屌講得結婚，咁都係諗清楚先話你知」但係有幾多，係真係一個informed decision? I really doubt.
我成日覺得，結婚嘅野，我真心希望大家相安無事，可以白頭到老，until death parts, 你估婚姻搞唔掂好玩？喺現實中，往往數據都話你知，好多人嘅婚姻最後都無辦法走到最後－當然，我見住屋企由中一去到中五（當然唔只，但係最癲嘅時間都有五年，警察有段時間成日都嚟，因為我地屋企太撚柒嘈lol鄰居屌唔住，警察上到黎都慣，「又係你呀」mode），由朝罵到晚嘅屋企，我覺得喺一啲無可救藥嘅關係入面，離婚係好嘅事，雙方(以及其子女, hi that was me）都可以解脫唔洗stuck喺一段垃圾關係度－但如果係為咗同伴侶結婚而放棄哂原居地所有野，拎住家庭團聚簽證嘅人，要離婚嘅成本相對比較正常嘅婚姻，就會比較複雜。
試諗下拎住一個family reunion visa，黎到一個鳥都屙不了蛋（因為雀仔都話電話收唔到信號無得碌電話屙蛋），電話都收唔撚到（德國好多村連普通2g都收唔閪到），亞洲超市都無間嘅德國村落，你車又唔識渣（無咁多uber你可以call），出入都要老公車－你德文唔好，或者又趕住生仔尾班車，你返唔到工，documents 你老公唔會幫你睇，乜都自己硬著頭皮逐字google（sor真係見好多lol，官僚德文好難明，但係d男人作為native speaker係唔會幫手睇）－你又lonely又無朋友，呢一種係咪真係一種你會想過你生活？
如果好彩，頭三年相安無事，你拎到PR，但係婚姻嘅頭三年已經開始搞唔掂，PR未拎到，而你本身家鄉嘅政經狀況又有點柒頭皮（呢樣野唔單只係香港，好多南美，東歐國家都係），完全地進退失據
然後PR未拎到，但段關係已經收皮，咁你點算？再未講，其實德國都真係好多家暴。每三日就有一個女人就會比伴侶家暴到有生命危險嘅地步，當然，喺疫情底下，又再更加worse左，男女人都比伴侶打嘅情況都多咗好多
而我講呢種種，未必會發生喺每一個人身上－亦都因為篇幅所限，我都簡化咗情況，柏林係收到電話嘅lol，但大約都係綜合我所見嘅case黎講，各種嘅情況都有－
而另外我必須強調，有好多人都真係會無事到尾，但係我只係想講，如果你拎住嘅簽證，係建基於喺一段感情上面，which 人係會係咁變，其實你會喺一個好vulnerable 嘅position－如果你係「嫁過黎」，而你已經放棄哂原居地嘅所有野，你唔想返原居地，好多時可能連家暴都啞忍－呢一種係咪所謂嘅幸福？
當然你可以話，如果我嘅簽證，係工作簽證，都係可以第二日就比人炒鳩咗架啦，但係，老細可以換，搵過份工唔易，但亦都唔會難得過搵一個信得過嘅伴侶－
就算一個伴侶呢一刻好愛你，可以對住你水汪汪大眼晴含情默默結婚mode，但下一刻，都可以變得好唔同，而無人可以講得埋係咪真係會變得咁差，而普通分手，都好少人可以分得graceful，更何況係離婚？
而我覺得可以做嘅係，有得揀嘅話（如果你話急住走佬著草唔計），唔好放自己喺一個vulnerable position，用自己嘅力申請簽證，（讀書／工作簽證），有自己嘅工作同錢（男女都係），有咩事起上黎都可以有能力從一啲toxic嘅關係走到，因為喺一個無助嘅position，真係好撚痛苦。Strong and independent，真係好撚重要，真係唔係只係咩女權撚口號乜閪，而係減少potential 痛苦嘅方法－
我以前未畢業未搵到工仲有partner嘅once upon a time，亦都有諗過用類似嘅方法留喺德國，但係見過好多唔同嘅case，都真係覺得，要自己死掂佢未嘗壞事
最後，我都更加想再三強調，我寫呢堆字，都只係想contribute to你嘅decision making 入面，去到最後，你決定行咩路，去邊，要做咩決定，其實我點都會希望你平平安安同開心（不論個「你」係邊個都好），老娘我好認真架
